જામનગરમાં ગાયત્રીનગર શેરી નંબર -૨ માં રહેતા ૫૨ વર્ષના રાવળદેવ પ્રૌઢ પોતાના પત્ની સાથે વાહનમાં જઈ રહ્યા હતા, દરમિયાન ચાલુ વાહને હૃદય રોગનો હુમલો આવી જતાં અપમૃત્યુ થયું છે.

આ બનાવની વિગત એવી છે કે ગાયત્રીનગરમાં રહેતા રાજુભાઈ પ્રેમજીભાઈ ગોહિલ (ઉંમર ૫૨) પોતાના પત્ની સાથે વાહનમાં જતા હતા, જે દરમિયાન હાર્ટ એટેક આવી ગયો હતો, અને તેઓને સારવાર માટે હોસ્પિટલમાં લઈ જવાયા હતા. જ્યાં તેઓનું મૃત્યુ નિપજ્યું હોવાનું જાહેર કર્યું હતું.

આ બનાવ અંગે મૃતકના પુત્ર સચિન રાજુભાઈ ગોહિલે પોલીસને જાણ કરતાં પોલીસે મૃતદેહ નો કબ્જો સંભાળી પોસ્ટ મોર્ટમ સહિતની કાર્યવાહી હાથ ધરી છે.