આતંકવાદી હરપ્રીત સિંહ ઉર્ફે હેપ્પી પાસિયાને અમેરિકામાં કસ્ટડીમાં લેવામાં આવ્યો છે. યુએસ ઇમિગ્રેશન એન્ડ કસ્ટમ્સ એન્ફોર્સમેન્ટ એજન્સી (ICE)એ તેને પોતાની કસ્ટડીમાં લીધો છે.

ભારતના મોસ્ટ વોન્ટેડ ખાલિસ્તાની આતંકવાદી હેપ્પી પાસિયાને અમેરિકામાં કસ્ટડીમાં લેવામાં આવ્યો છે. આ ધરપકડ યુએસ ઇમિગ્રેશન એન્ડ કસ્ટમ્સ એન્ફોર્સમેન્ટ (ICE) દ્વારા કરવામાં આવી છે. NIAએ હરપ્રીત સિંહ ઉર્ફે હેપ્પી વિશે કોઈપણ માહિતી આપનારને 5 લાખ રૂપિયાનું ઇનામ આપવાની જાહેરાત કરી હતી.

હકીકતમાં પંજાબમાં છેલ્લા કેટલાક મહિનાઓમાં થયેલી 14થી વધુ આતંકવાદી ઘટનાઓમાં તેનું નામ સામે આવ્યું છે. તે બબ્બર ખાલસા ઇન્ટરનેશનલ નામના પ્રતિબંધિત ખાલિસ્તાની સંગઠનનો સક્રિય કમાન્ડર છે.

ISIનો મોહરો બન્યો હેપ્પી પાસિયા
બબ્બર ખાલસા ઇન્ટરનેશનલ સંગઠન સાથે કથિત રીતે જોડાયેલા પાસિયાએ માત્ર આતંકવાદી હુમલાઓની યોજના જ ન બનાવી, પરંતુ ચંદીગઢ અને જલંધર જેવા સંવેદનશીલ વિસ્તારોમાં ગ્રેનેડ અને વિસ્ફોટક હુમલાઓની જવાબદારી પણ પોતે લીધી. જેમ કે ચંદીગઢ સેક્ટર-10માં ગ્રેનેડ હુમલો, ભાજપ નેતા મનોરંજન કાલિયાના ઘરે બોમ્બ વિસ્ફોટ, આ તમામ કેસોમાં તેનું નામ મુખ્ય આરોપી તરીકે નોંધાયેલું છે.