વડાપ્રધાને બેટ દ્વારકાના નાગરિકોનું અભિવાદન ઝીલ્યું

બેટ મંદિર ખાતે દર્શનાર્થે પધારેલ વડાપ્રધાન નરેન્દ્રભાઇ મોદીનું મંદિર ટ્રસ્ટના ટ્રસ્ટીઓ, અગ્રણીઓએ આવકાર આપ્યો હતો. મંદિરના પ્રાંગણમાં અહીંના મંદિરની વ્યવસ્થાપક સમિતિના આગેવાનોએ વડાપ્રધાનને આવકારીને સ્વાગત કર્યું હતું. આ વેળાએ સંસ્થાના આગેવાનોએ વડાપ્રધાન પ્રત્યે આભારની લાગણી પણ વ્યક્ત કરી હતી.
જ્યારે સુદર્શન બ્રીજના લોકાર્પણ પ્રસંગે પધારેલ વડાપ્રધાન નરેન્દ્રભાઇ મોદીનું બેટ દ્વારકાના નાગરિકોએ ઉત્સાહપૂર્વક સ્વાગત કરીને ભારત માતા કી જયના નાદથી વધાવી લીધા હતા. બેટ દ્વારકા હેલીપેડ થી મુખ્ય મંદિરના રસ્તા સુધી નાગરિકોએ માર્ગમાં વડાપ્રધાનને આવકાર્યા હતા. વિવિધ કલાકારો દ્વારા  કાઠિયાવાડી સંસ્કૃતિની ઝાંખી રજૂ કરી હતી. અહીંના વિવિધ સમાજના અગ્રણીઓ, આગેવાનો, તેમજ નાગરિકોએ ઉત્સાહપૂર્વક વડાપ્રધાનને વધાવી લીધા હતા. વડાપ્રધાન નરેન્દ્રભાઇ મોદીએ પણ બેટ દ્વારકાના નાગરિકોના અભિવાદનને ઝીલીને નાગરિકોનો ઉત્સાહ વધાર્યો હતો.