ખંભાળિયાના શક્તિનગર વિસ્તારમાં ચાલી રહેલા શિરૂ તળાવના લોકમેળામાં આજરોજ ચઢતા પહોરે (ગત મધ્યરાત્રી)ના આગ લાગી હોવાનો બનાવ સામે આવ્યો છે.

આ અંગે સૂત્રો દ્વારા જાહેર કરવામાં આવેલી વિગત મુજબ ગત રાત્રે આશરે પોણા ત્રણથી સવા ત્રણ વાગ્યા સમય સુધીના સમયગાળા દરમિયાન શિરૂ તળાવના લોકમેળામાં આવેલા શિવ તાંડવ વિસ્તારમાં મેઈન લાઈનમાં શોર્ટ સર્કિટ થયો હતો. જેના કારણે મેળામાં આવેલા મોતના કુવાની બાજુમાં આગ લાગી હતી. આ બનાવ બનતા જિલ્લા ફાયર અધિકારીની સૂચના મુજબ ફાયર સ્ટાફના બ્રિજરાજસિંહ તેમજ તેમની ટીમ દ્વારા ફાયર ફાઈટરની મદદથી પાણીનો મારો ચલાવીને આગ પર કાબુ મેળવવામાં આવ્યો હતો.