મહાપ્રસાદ સહિતના ધાર્મિક આયોજનો

લોહાણા જ્ઞાતિના દત્તાણી પરિવારના ખંભાળિયામાં બિરાજમાન કુળદેવી શ્રી રૂડીલાખી માતાજીના ચૈત્રી નવરાત્રીનો હવન આગામી શનિવાર તા. 5 એપ્રિલ ને ચૈત્ર સુદ આઠમના રોજ યોજવામાં આવ્યો છે.

હવનનું બીડું બપોરે સવા વાગ્યે હોમવામાં આવશે. ત્યાર બાદ નજીકમાં આવેલા શ્રી શરણેશ્વર મહાદેવના મંદિરે બપોરે તમામ દત્તાણી કુટુંબીજનોના સમૂહ પ્રસાદનું આયોજન કરવામાં આવ્યું છે. આ પછી સાંજે 7:30 વાગ્યે માતાજીના સાનિધ્યમાં દીપમાળાના દર્શન પણ યોજાયા છે.

આ હવનના મુખ્ય યજમાન પદે અમદાવાદના ધ્રુવ સંજયભાઈ દત્તાણી રહેશે. આ પ્રસંગે સર્વે દત્તાણી કુટુંબીજનોએ ઉપસ્થિત રહેવા ટ્રસ્ટી મંડળ દ્વારા અનુરોધ કરવામાં આવ્યો છે.