રૂપિયા ચાર લાખના બિલ ફટકારાયા: પાંચ લંગરીયા જોડાણ મળ્યા

જામનગર શહેરમાં આજે પીજીવીસીએલ દ્વારા જુદા જુદા વિસ્તારમાં વીજ ચેકિંગ હાથ ધરવામાં આવ્યું હતું, જે દરમિયાન ૧૦ સ્થળેથી વીજ ચોરી પકડાઈ હતી, અને તેઓને રૂપિયા ચાર લાખના વિજ ચોરીના બિલ ફટકાવવામાં આવ્યા છે. ઉપરાંત પાંચ લંગરીયા વીજ જોડાણ મળ્યા હોવાથી તેઓ સામે પોલીસ ફરિયાદ પણ કરાઈ છે.

જામનગર પી.જી.વી.સી.એલ. ની સેન્ટ્રલ ઝોન પેટા વિભાગ ના નાયબ ઇજનેર અજય પરમાર ની રાહબરી હેઠળ જામનગર શહેર વિસ્તારો માં અલગ અલગ જગ્યા એ પાંચ જેટલી અલગ અલગ જુનિયર ઈજનેર તથા ટેકનીકલ સ્ટાફ ની ટુકડીઓ બનાવીને સાથે રહીને વીજ ચેકીંગ ની કામગીરી હાથ ધરવામાં આવી હતી.

જેમાં નવીવાસ, સાતરસ્તા નજીક જલારામ નગર, વાલકેશ્વરી નગરી, વાલ્મીકિ નગર, મંગલબાગ,  વિગેરે જેવા વિસ્તારોમાં સઘન વીજચેકીંગની કામગીરી કરવામાં આવી હતી. આ કામગીરી દરમ્યાન કુલ ૧૦ જેટલા વીજ ચોરીના કેસો કરવામાં આવ્યા હતા.

જે તમામ વીજ ગ્રાહકોને અંદાજિત ૪ લાખ નાં વીજ દંડ ફટકારવામાં આવેલા છે, અને આ કેસો પૈકી પાંચ જેટલા બિન અધિકૃત વીજજોડાણો લેનાર ની વિરુદ્ધ પોલીસ મથકે ફરિયાદ પણ દાખલ કરવામાં આવી છે.