સૌંદર્યના ધોરણો દરેક માટે અલગ-અલગ હોય છે. કેટલાક લોકોને પાતળા લોકો ગમે છે. તો કેટલાક લોકોને જાડા લોકો ગમે છે. કેટલાક લોકોને ઊંચા લોકો ગમે છે. તો અમુક લોકોને નાની ઉંચાઈવાળા લોકો ગમે છે. આ બાબતમાં લોકોની પોતાની પસંદગીઓ છે. જો કે મોટાભાગના લોકોને જોશો, તો તેઓ પાતળા લોકો પસંદ કરે છે, ખાસ કરીને યુવતીઓની બાબતમાં દરેકની પસંદગી પાતળી યુવતી પસંદ હોય છે.  

લોકોને પાતળી યુવતીઓ ગમે છે અને યુવતીઓ પણ પોતાને સ્લિમ રાખવાનું ખૂબ પસંદ કરે છે. આ માટે તે વર્કઆઉટ, કાર્ડિયો અને અન્ય શારીરિક પ્રવૃત્તિઓ કરે છે પરંતુ વિશ્વમાં એક એવો દેશ છે. જ્યાં જાડી યુવતીઓને પસંદ કરવામાં આવે છે. એટલું જ નહીં, યુવતીઓને ચરબીયુક્ત બનાવવા માટે તેમને બળજબરીથી ખોરાક પણ ખવડાવવામાં આવે છે.

ઉત્તર-પશ્ચિમ આફ્રિકન દેશ મોરિટાનિયામાં લોકોને જાડી યુવતીઓ ગમે છે. મોરિટાનિયાના જૂના રિવાજો અનુસાર, આ દેશમાં યુવતીઓનું જાડું હોવું એ મોટી સંપત્તિ અને પ્રતિષ્ઠાની નિશાની તરીકે જોવામાં આવે છે. અને આ જ કારણ છે કે આ દેશમાં પરિવારો નાની ઉંમરથી જ છોકરીઓને બળજબરીથી ખવડાવવાનું શરૂ કરી દે છે. જેથી જ્યારે તે મોટી થશે ત્યારે તેનું વજન ઘણું વધી જશે. આટલું જ નહીં, આ દેશના લોકો માને છે કે જો યુવતી જાડી હશે. તેથી તેને સારો પતિ પણ મળશે. આ કારણથી પરિવારના સભ્યો યુવતીઓને ખાવા માટે દબાણ કરે છે. જેથી તે લગ્ન પહેલા જ જાડી થઇ જાય.

મોરિટાનિયામાં આ પરંપરાને લેબ્લોઉ કહેવામાં આવે છે. જેમાં બાળકીઓનું વજન વધારવા માટે બાળપણથી જ દૂધ, માખણ અને એવા પદાર્થો આપવામાં આવે છે જેમાં વધુ કેલરી હોય. જો કોઈ છોકરીને ખાવાનું ન ભાવે તો પણ તેને બળજબરીથી ખવડાવવામાં આવે છે. આ એક પરંપરા છે જે આ દેશમાં વર્ષોથી ચાલી આવે છે. દેશના લોકોનું માનવું છે કે જાડી કન્યા પરિવારની પ્રતિષ્ઠા વધારે છે અને પૈસા પણ લાવે છે.