અમેરિકામાં ટ્રમ્પે સત્તા સંભાળતા જ ગેરકાયદે રહેતા વિદેશી લોકોને ડિપોર્ટ કરવાનું શરૂ કર્યું છે. જેમાં મોટી સંખ્યામાં ગુજરાતી સહિત ભારતીયોનો પણ સમાવેશ થાય છે. છેલ્લા 12 દિવસમાં અમેરિકા દ્વારા ત્રણ તબક્કામાં ભારતીયોને ડિપોર્ટ કરવામાં આવ્યા છે. અમેરિકામાં ગેરકાયદે ઘૂસેલા 112 ભારતીયોને લઈ અમેરિકન વિમાન ગતરાત્રે અમૃતસર પહોંચ્યું હતું. જેમાં સવાર 33 ગુજરાતીઓનો સમાવેશ થાય છે. જે પૈકીના 4 ગુજરાતીઓ એક ફ્લાઈટમાં અમદાવાદ આવી પહોંચ્યા છે. બાકીના 29 લોકો બપોરે બીજી ફ્લાઈટમાં પહોંચશે. 

અમદાવાદ આવી રહેલા ગુજરાતીઓને તેના વતન સુધી પહોંચાડવા માટે એરપોર્ટ પર પોલીસ વાહનો તૈનાત રાખવામાં આવ્યા છે. નોંધનીય છે કે, છેલ્લા 12 દિવસમાં ત્રણ બેચમાં કુલ 332 ભારતીયો વતન પરત ફરી ચૂક્યા છે. જેમાં 74 ગુજરાતીઓને સમાવેશ થાય છે.

4 લોકો અમદાવાદ પહોંચ્યા, 29 બપોરે પહોંચશે
અમેરિકાથી અમૃતસર આવેલા 33 ગુજરાતીઓ પૈકીના ચાર લોકો પેસેન્જર ફ્લાઈટમાં અમદાવાદ એરપોર્ટ પર આવી ચૂક્યા છે. જેઓને પોલીસ તેના વતન સુધી લઈ જશે. જ્યારે અન્ય 33 લોકોને બપોરે આવનારી અન્ય ફ્લાઈટમાં અમદાવાદ પહોંચશે. અમેરિકાથી ડિપોર્ટ થયેલા ગુજરાતીઓ અમદાવાદ આવતા એરપોર્ટ પર પોલીસ કાફલો તૈનાત રખાયો છે. આઈબીના અધિકારીઓ પણ ઉપસ્થિત છે.

ત્રીજા તબક્કામાં ડિપોર્ટ થઈ અમદાવાદ આવનાર 22 ગુજરાતીઓના નામ

1. મીહીર ઠાકોર
2. લુહાર પુજા ધવલભાઈ
3. રાણા સપનાબેન ચેતનસિંહ
4. રાણા ચેતનસિંહ ભરતસિંહ
5. રાણા દક્ષરાજસિંહ ચેતનસિંહ
6. રાણા અક્ષરાજસિંહ ચેતનસિંહ
7. પટેલ નીત તુષારભાઈ
8. પટેલ દીપ ઘનશ્યામભાઈ
9. પટેલ ચીરાગકુમાર શૈલેષકુમાર
10. પ્રજાપતિ અનિલકુમાર ભીખુભાઈ
11. પ્રજાપતિ આરવ અનિલકુમાર
12. પ્રજાપતિ દૃષ્ટી અનિલકુમાર
13. પટેલ રાજેશ બલદેવભાઈ
14. પટેલ મંજુલાબેન રાજેશભાઈ
15. પટેલ માહી રાજેશભાઈ
16. પટેલ હારમી રાજેશકુમાર
17. પટેલ હસમુખભાઈ રેવાભાઈ
18. રામી હિતેશભાઈ રમેશભાઈ
19. ચૌધરી સુરેશભાઈ અંશકુમાર
20. પટેલ પ્રાંશ જયેશકુમાર
21. પટેલ જયેશકુમાર ભોલાભાઈ
22. પટેલ હિરલબેન જયેશકુમાર

ગઈકાલે  ત્રીજા તબક્કામાં 116 ભારતીયો અમૃતસર એરપોર્ટ પર ઉતર્યા હતા. બીજા તબક્કાં 8 ગુજરાતીઓ અમેરિકાથી ભારત ડિપોર્ટ થયા હતા. જેમને ગઈકાલે સવારે 10.45ની આસપાસ વિમાન માર્ગે અમદાવાદ એરપોર્ટ પર લાવવામાં આવ્યા હતા. એરપોર્ટ પર જરૂરી કાર્યવાહી બાદ તમામને પોલીસ બંદોબસ્ત સાથે વતન રવાના કરવામાં આવ્યાં હતા. કાળા પડદાવાળી ગાડીમાં મહેસાણાના બાળક સાથેના પરિવાર સહિત છ લોકોને અને ગાંધીનગરના બે લોકોને લઈ પોલીસ વતન રવાના થઈ હતી.